Russar løgdu fake news á Facebook

Hetta varð gjørt til tess at ávirka amerikanskan politikk.

Facebook sigur, at 126 milliónir amerikanarar kunnu hava sæð greinarnar hetta tíðarskeiðið.

Facebook hevur latið amerikansku kongressini eina skrivliga frágreiðing um russisku greinarnar.

Stjórar í Facebook, Twitter og Google fara eftir ætlan á fund við tríggjar nevndir í kongressini hesa vikuna. Russland er undir illgruna fyri at hava borið følsk tíðindi mánaðirnar upp undir amerikanska forsetavalið í fjør.

Russiska stjórnin vísir øllum ákærum aftur.

Facebook sigur, at russisku greinarnar vórðu lagdar á miðilin frá juni 2015 til august í ár. Flestu greinarnar snúðu seg um umstrídd mál í USA, m.a. rættin at bera vápn.