Aðalorðaskifti í løgtinginum um ferðavinnuna

Fríggjadagin verður aðalorðaskifti í løgtinginum um ferðavinnu.

Poul Michelsen leggur fram frágreiðing um ferðavinnuna á tingfundinum í dag.

Á tingfundinum í dag eru annars sjey fyrstu viðgerðir á skránni.

Millum teirra er uppskotið hjá Sonju Jógvansdóttur, uttanflokkatingkvinnu, um, at fakfelagslimir kunnu draga limagjald til yrkisfelag frá í skatti.

Sonja Jógvansdóttir vísir á, at arbeiðsgevarar kunnu, sambært skattalógini, draga gjald til yrkisfelag frá í skatti, men arbeiðstakarar hava ikki sama rættin.

Og uppskotið hevur til endamáls at javnseta partarnar á arbeiðsmarknaðinum á hesum øki, sigur Sonja Jógvansdóttir.

Uppskotið var eisini á skránni fyri tingfundin í gjár, men tað varð flutt til í dag.