Noreg lækkar hóttanarstigið

Stigið verður lækkað úr "sannlíkindi eru fyri" til "møguleika". Tað er triðja av fimm stigum.

Orsøkin til lækkingina er, sambært fráboðan hjá PST, at broytingar hava verið hóttanarastøðuni seinastu tíðina.

Funnu bumbu

Í apríl í ár varð ein 17 ára gamal maður handtikin, eftir at løgreglan hevði funnið eina bumbu í Oslo. 

Sambært PST er óvissan í hesum máli í høvuðsheitinum greidd gjøgnum kanningararbeiði, og eingin ábending er um, at aðrir persónar vóru við í hendingini.

PST hevur heldur ikki funnið prógv fyri, at maðurin hevði samband við yvirgangsálopið í Stokkholm, men at hann fekk íblástur haðani.

Vesturheimurin hóttur

Radikaliseringin í Noregi til víðgongda islamismu er eisini minkað.

Men samstundis, sum hóttanin um yvirgang í Noregi er lægri, eru hóttanir móti fleiri vestanlondum framvegis álvarsligar.

- Islamskur Statur hevur nýtt rutur hjá flóttafólkum til at fáa operatørar inn í Evropa. Tað verður áhaldandi avbjóðing fyri øll lond í Evropa, sama á hvørjum hóttanarstigi hvørt einstakt land er á, stendur í fráboðanini til fjølmiðlar.