Kunna um Múrin

Tórshavnar Kommuna og Tjóðsavnið skulu nú saman standa fyri almennu kunningini um Kirkjubømúrin.

Umsitingin hjá Tórshavnar kommunu hevur saman við Tjóðsavni Føroya gjørt uppskot til verkætlan, sum skal varpa ljós á søguna um múrin og hvørji fornfrøðilig sereyðkenni eru til skjals. 

Ætlanin er at nýta tveir veggir í almenna bíðirúminum í Kirkjubø til endamálið. 

Avtalað er, at Tjóðsavn Føroya letur innihald og lay-out til veggirnar og Tórshavnar kommuna stendur fyri at fremja ætlanina í verki, sæst á heimasíðuni hjá Tórshavnar kommunu.