Teistin fekk um skrúvuna

Tá Teistin var á veg inn í Heyst í morgun, gjørdist manningin varðug við, at teir mistu olju úr stevnurørinum. Teistin sigldi tí aftur á Gomlu Rætt. Kavarar fóru niður at kanna, og tá vísti tað seg, at lína var komin um báðar skrúvurnar, greiddi Jóhan Petur Abrahamsen, rakstrarleiðari á Strandferðsluni, frá í tíðindum á middegi. Línan varð skorin av, og Teistin fór aftur í sigling klokkan hálvgum eitt.

Hetta er aðru ferð henda mánaðin, at Teistin fær línu um skrúvuna, tí annan november fekk skipið eisini línu um skrúvuna.