Streymslit aftur í Norðstreymi og Vágum

Eirikur Norðberg, vakthavandi á SEV, segði við tíðindini í morgun, at streymslit millum annað er í Vágunum, Vestmanna, Leirvík og Árnafirði. 

Klaksvík hevur fingið streymin aftur, sigur hann. 

Tað er framvegis tær luftbornu linjurnar, sum eru orsøkin til streymslitið. Eirikur Norðberg sigur, at tað verður arbeitt við øllum alvi at fáa streymin aftur. 

- Um veðrið ikki drillar okkum meira, so burdu vit fingið tað uppá pláss innanfyri ein tíma. Men tað er ringt at siga, tí veðrið er so øgiliga ringt. Vónandi er tað mesta komið uppá pláss innanfyri ein tíma, sigur hann.