Ein kæra um umhvørvisgóðkenningina á Víkum

Bara ein kæra kom um umhvørvisgóðkenningina, sum Luna hevur fingið til virki sítt á Sørvágsfirði og á Vikum.

Umhvørvisstovan hevur dagført og endurnýggjað umhvørvisgóðkenningina.

Kærufreistin var 27.desember. 

Føroya náttúru- og umhvørvisfelag kærdi. Kæran er nú hjá Innlendismálaráðnum.

Í Yvirfriðingarnevndini

Yvirfriðingarnevndin hevur eisini eina kæru frá felagnum, sum biður nevndina ógilda loyvið hjá Luna á Víkum.

1412 fólk hava skrivað undir áheitanina hjá Føroya náttúru- og umhvørvisfelag um at friða Víkar í Vágum.

Undirskriftirnar eru latnar Yvirfriðingarnevndini.

Partafelagið Luna ætlar at leggja aliringar á Víkum í vetur fyri at fáa greiði á, um til ber at ala har. 

Eingin fiskur verður settur í ringarnar í fyrstu syftu.