Sigla nakrar túrar hóast samhugaverkfall verður

Ætlaða samhugaverkfallið mánadagin nervar ikki siglingina hjá Strandfaraskipum landsins til Fugloyar og Svínoyar, til Skúvoyar og til Nólsoyar.

Strandfaraskip landsins hava gjørt eitt uppskot, tey kalla, um siglingina mánadagin. Tað er á heimasíðuni hjá stovninum.

Sambært uppskotinum fer Smyril av Krambatanga kl.06.00 og av Havnini kl.21.15.

Teistin fer úr Skopun kl.06.45 og 16.35 og av Gomlurætt kl.07.25 og kl.17.20. Á báðum túrum verður lagt at í Hesti.

Sam siglir úr Klaksvík kl.06.40 og 18.30 og av Syðradali kl.07.00 og 18.50.

Slík sigling, tá arbeiðssteðgur er, er loyvd sambært sambært sáttmálum við yrkisfeløgini.

Bygdaleiðir eru veittar út til privat at reka. Har verður ikki samhugaverkfall.