Atlantic roynir at fáa avsláttur í Kastrup

Atlantic roynir at fáa avsláttur í Kastrup
Men felagið lýkur ikki treytina um flúgving tríggjar ferðir um dagin, tí miðaltalið er 2,3 ferðir
Atlantic Airways á veg til Keypmannahavnar.
 
19.01.2018 - 13:19

Atlantic Airways hevur samskifti við flogvøllin í Keypmannahavn um avslátturin, sum flogvøllurin ætlar at geva flogfeløgunum, sum ofta flúgva til Keypmannahavnar.

Treytin er tó, at flogið verður minst tríggjar ferðir um dagin mánadag til fríggjadag.

Atlantic Airways lýkur ikki ta treytina.

Felagið flýgur í miðal 2,3 ferðir um dagin mánadag til fríggjadag, sigur Jóhanna á Bergi, stjóri.

Hon væntar, at úrslitið av tingingunum við flogvøllin í Kastrup kemur í næstu viku.

Atlantic Airways rindar flogvøllinum 179 krónur fyri hvørt ferðafólkið, sum fer úr Kastrup.

So ein avsláttur, sum er tíggju prosent til dømis, hevði spart felagnum næstan tvær milliónir krónur, sigur Jóhanna á Bergi.

  

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520