USA verður heimsins størsta oljuland

USA verður heimsins størsta oljuland
Um stutta tíð verður USA heimsins størsta oljuland, upplýsir altjóða orkustovnurin IEA
 
20.01.2018 - 14:40

Um stutta tíð fer USA at selja meir enn 10 milliónir tunnur av olju um dagin - og tað verður í ár.

Tað upplýsir altjóða orkustovnurin, IEA.

Bara í ár fer útflutningurin av olju úr USA at hækka við 1,1 milliónum tunnum um dagin.

Og IEA sigur seg hava varhugan av, at amerikanska sølan av olju úr USA um stutta tíð verður hægri enn sølan, bæði úr Saudiarabia og Ruslandi.

Í desember lækkaði sølan av olju við góðum 400.000 tunnum dagin, tað kom av minni sølu úr Venezuela og úr Norðsjónum.

Sølan hjá Venezuela er støðugt minkað seinastu árini, og í desember var sølan 1,6 milliónir tunnur um dagin. Sølan nú er ikki meir enn helvtina av søluni hjá Venezuela í 1999, tá fyrrverandi forsetin, Hugo Chaves tók við valdinum í landinum.

Støðan í Venezuela er ógreið, og tí er torført at gera metingar av oljusøluni, upplýsir altjóða orkustovnurin.

IEA væntar økta sølu úr londum sum Brasil og Kanada, meðan sølan úr øðrum londum, eitt nú Mexico og Kina, fer at minka í ár. Men eftirspurningurin eftir olju fer at hækka upp í umleið 100 milliónir tunnur um dagin í ár.


 

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520