Spania vil handtaka Puidgemont í Keypmannahavn

Spania vil handtaka Puidgemont í Keypmannahavn
Frákoyrdi leiðarin í Katalonia, Carles Puigdemont, kemur ætlandi til Keypmannahavnar mánadagin.
 
21.01.2018 - 16:22

Puidgemont skal vera við á kjakfundi á lærda háskúlanum í Keypmannahavn og hitta fólkatingslimir.

Men Spania vil hava Puidgemont handtiknan, um hann fer til Danmarkar.

Tað sigur ákæruvaldið við tíðindastovuna AFP.

Ferðin til Keypmannahavnar er tann fyrsta hjá Puidgemont uttan fyri Belgia, síðan hann fór í útlegd í Brúsell í oktober í fjør.

Tað eru í løtuni sponsk handtøkuboð á katalanska loysingarleiðaranum, og tað merkir, at hann verður handtikin, um hann kemur aftur til Spania.

Evropeisku handtøkuboðini, sum vóru galdandi eitt tíðarskeið, blivu kortini ógyldað fyrst í desember.

Boðini skulu taka við aftur alt fyri eitt, um Puidgemont fer til Keypmannahavnar, sigur spanska ákæruvaldið sambært AFP.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520