Prestar, sum ikki eru sóknarprestar, fyri órætti

Hóast lógin er meira enn hálvtfimta ára gomul, er trupulleikin nústani komin undan kavi.

Talan er um prestarnar, sum hava somu rættindi sum sóknarprestar, men ikki eiga at hava tey.

Teir hava rættindi og skyldur sum sóknaprestar í kirkjuráðnum, men eiga ikki at hava tey, Teir kunnu ikki stilla upp á kirkjuráðsvali.

Tað kunnu teir, tá lógin er broytt. 

Nú skal lógin um embæti og størv í fólkakirkjuni broytast, so hesir prestar bara kunnu vera á kirkjuráðsfundi, men ikki hava atkvøðurætt.

Føddir limir

Teir eru ikki føddir limir har, sum sóknarprestarnir eru. 

Mentamálaráðið sigur, at lógarbroytingin verður gjørd, tí tá gudfrøðingur verður prestvígdur og tekur við tænastu hjá fríum, kirkjuligum felagsskapi, fær hann samstundis rættindi og skyldur sum kirkjuráðslimur í øllum kirkjuráðunum í prestagjaldinum, á sama hátt sum vanligur sóknarprestur, hóast hann bara fær avmarkaða skyldu at virka í tí, og ikki fær løn fyri hesa tænastu. 

Hetta er alt ov stór skylda at leggja á tey, tí tænastan sum prestur er sjálvboðin og ólønt. Hon kemur afturat tí fulltíðarstarvinum, sum er fortreyt fyri prestavígsluni eftir serligu lógargreinini.

Talan er um gudfrøðingar, sum verða vígdir eftir serligari grein í lógini, gein 16, men ikki gerast sóknarprestar.

Við lógaruppskotinum verða skyldurnar sum kirkjuráðslimur hjá presti eftir serligu lógargreinini tiknar av, og rætturin at vera við á kirkjuráðsfundi, uttan atkvøðurætt, settur í staðin.

Og prestarnir kunnu stilla upp á vali til kirkjuráð.