Leita eftir líkum við dronum

12.02.2018 - 10:26
AktueltÚtheimurin
Leita eftir líkum við dronum
Russisku myndugleikarnir hava givið loyvi til at brúka dronur at leita eftir líkinum av teimum, sum vóru við flogfarinum, ið datt niður í gjár
 

Øll 71 fólkini, sum vóru við flogfarinum, doyðu.

Vrakpetti av flogfarinum liggja slødd um ein stórt øki, og higartil eru bara tvey lík funnin. 

Bjargingararbeiðið er nógv tarnað av kava.

Tað er ógreitt, hví innanríkisflogfarið hjá flogfelagnum, Saratov Airlines, datt niður stutt eftir, at tað var farið á flog úr eini floghavn í Moskva.

Annar av svørtu kassunum í flogfarinum er funnin, og hann verður nú kannaður.

Myndugleikarnir hava kannað flogfelagið fyrr. 

Í 2015 misti Saratov Airlines rættin at flúgva millum lond, tí ein ófráboðað kanning staðfesti, at onnur enn starvsfólk høvdu atgongd til flogskipararúmið.

Felagið kærdi avgerðina, og slapp aftur at flúgva millum lond í 2016.

Vladimir Putin, forseti, hevur avlýst eina ferð til svartahavsbýin Sotji. 

Hann vil heldur vera í Moskva og fylgja við, meðan kannað verður, hví flogfarið datt niður. 

 
Nýggjastu sendingar í ÚV
Leygardag 11. juli
Kjakaríið: Heini, Ester og Høgni
111286
Leygardag 11. juli
Miskunnarleysir dagar í Hamburg
111045
Leygardag 11. juli
Føroyingar álopnir úr luftini
111275
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281