NSÍ hevur fingið Fróða Benjaminsen

Kappingin byrjar ikki fyrr enn 11.mars, men longu nú eru tað fleiri, ið halda, at NSÍ kann blíva FM vinnari 2018.

Tær metingarnar blivu helst sterkari í kvøld, tá NSÍ kunngjørdi á heimasíðu sínari, at felagið hevur skrivað sáttmála við Fróða Benjaminsen.

Hóast Fróði Benjaminsen er blivin 40 ára gamal, so telist hann framvegis millum allarbestu miðvallararnar í landinum.

Umframt Fróða Benjaminsen hevur NSÍ fyrr í ár eisini skrivað sáttmálar við verjuspælaran, Johan Troest Davidsen og áleyparan, Øssur Dalbúð.

Fróði Benjaminsen bleiv í fjør føroyameistari við Víkingi har Sámal Erik Hentze var venjari. Nú eru teir báðir aftur saman, hesa ferð í NSÍ.

Fróði Benjaminsen eigur metið fyri flest landsdystir fyri Føroyar. Hann hevur spælt 93 A-landsdystir.