Útlán vísa óstøðug fíggjarlig viðurskifti

27.02.2018 - 08:41
Aktuelt
Útlán vísa óstøðug fíggjarlig viðurskifti
Tøl hjá Landsbankanum vísa, at útlán borin saman við BTÚ, geva eina ta bestu ábendingina um óstøðug fíggjarlig viðurskifti.
Báðar kreppurnar í nýggjari tíð síggjast týðiliga. Tær koma beint eftir eitt tíðarskeið við stórum útlánsvøkstri (kreditekspansión)
Mynd: Landsbankin  
 

Stutt fyri kreppurnar, bæði í 1992 og 2008, var sera stórur útlánsvøkstur, men bruttotjóðarúrtøkan vaks eisini. 

Undan kreppuni í 1992 og aftur í 2008 varð nógv lænt. Útlánsvøksturin undan fyrru kreppuni byrjaði longu í 1983, men útlánsvøksturin tók bara 2-3 ár, áðrenn kreppan rakti í 2008, sigur Landsbankin. 

Støðan í dag er øðrvísi.

Lyklatalið vísir, at útlánini eru minkað samanborið við bruttotjóðarúrtøkuna. BTÚ vaks seks prosent frá 2016 til í fjør, men útlánini eru bara vaksin fimm prosent.

Líkt er tí ikki til, at kredittveitingin úr føroysku peningastovnunum fíggjar vøksturin. 

Búskaparligi vøksturin í løtuni eru tí mest at kalla sjálvfíggjaður, tað er samansparing ella forvunnin peningur, ella er hann fíggjaður við lánum uttanlands, sigur Landsbankin. 

Ein av høvuðsuppgávunum hjá Landsbankanum er at virka fyri fíggjarligum støðufesti i Føroyum. Tað er eisini ásett í nýggju landsbankalógini.

Landsbankin er nú farin at greina, hvørji viðurskiftini kunnu hava størstu neiligu ávirkanina á støðufestið. 

Tú kanst lesa meira á heimasíðuni hjá Landsbankanum

Er kopiera
Nýggjastu sendingar í ÚV
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646