Russland aftur limaskap í Olympisku nevndini

Russland aftur limaskap í Olympisku nevndini
Olympiska nevndin í Russlandi, ROC, fær aftur fullan limaskap í altjóða olympisku nevndini, IOC.
 
01.03.2018 - 10:13

Tað segði Alexander Zhukov, formaður fyri ROC, í almennum russiskum sjónvarpi í gjár.

Russiska Olympiska nevndin varð bannað frá seinastu vetrar-olympisku leikunum í PyeongChang í SuðurKorea eftir umfatandi dopingmisnýtslu, sum russiskir myndugleikar stóðu á odda fyri undir vetrarleikunum í russiska býnum Sotji í 2014.

Russisk ítróttarfólk, sum kundu prógva, at tey ikki høvdu nýtt dopingevni, sum stóðu á listanum yvir ólóglig evni hjá altjóða dopingeftirlitinum, WADA, fingu tó undantaksloyvi og kappaðust á leikunum.

- ROC hevur nú fingið full rættindi í IOC aftur, segði Zhukov. 

Altjóða Olympiska nevndin hevur tó ikki váttað hesi tíðindi enn. 

Hóast Russland ikki er sloppið at kappast í VetrarOlympisku leikunum, endaðu russisku ítróttarfólkini á triðja sæti yvir flestu heiðursmerki á leikunum. 

Tilsamans vunnu russisk ítróttarfólk 17 heiðursmerki í PyeongChang í SuðurKorea.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584