- Tíðindi, mentan og ítróttur
Signhild vann silvur við tíðini 2:15:66
Signhild vann silvur við tíðini 2:15:66
Tað var í gjár, á svimjistevnuni Città di Milano í Milano, at Signhild Joensen, úr svimjifelagnum Ægir, vann altjóða heiðursmerki
Signhild vann silvur við tíðini 2:15:66
Mynd: www.svimjing.com
10.03.2018 - 11:18
Signhild Joensen úr Ægir megnaði í gjár at vinna sær altjóða heiðursmerki í svimjing, tá ið hon á stevnuni Città di Milano í Milano vann silvur í 200 metra ryggsvimjing, við tíðini 2:15.66. Franska Carille Gheorghiu vann gull við 2:13.76 og italienska Martina Cenci bronsu við 2:15.92.
Hendan tíðin hjá Signhild er aðru ferð í gjár at hon staðfestir støði til Evropameistarastevnuna á stuttgeil 2018, sum verður í Glasgow í august, aftaná at hon í innleiðandi riðlunum gjáramorgun svam triðbestu tíð av øllum, 2:16.29.
Signhild eigur føroyska metið á teininum, sum er 2:14.01 frá tá ið hon vann gull í greinini á Danish Open í apríl mánaða í fjør.
Úrslitalistin sæst her
Er kopiera
Nýggjastu sendingar í ÚV
Nýggjastu sendingar í SV
