Smyril Line byggir hotell við Oknarvegin

Býráðið í Havn fer í kvøld at samtykkja at broyta byggisamtyktina við Oknarvegin, tað er nýggi vegurin, har sum høvuðssætið hjá BankNordik er. 

Neyðugt er at broyta byggisamtyktina fyri økið, um hotell skal byggjast á tí. Ein partur av økinum er í galdandi byggisamtykt ætlaður stakhúsum, ikki millum annað gistingarhúsum.

Byggi- og býarskipanarnevndin hjá býráðnum tekur undir við virkandi býararkitekti og mælir býráðnum til at broyta byggisamtyktina. 

Hotellið verður á trøðni millum Oknarvegin, Tjaldursvegin og R.C. Effersøesgøtu.