Dómur beinleiðis í sjónvarpinum

Dómur beinleiðis í sjónvarpinum
Tá dómarin í málinum um mutur móti fyrrverandi forsetanum í Suðurkorea, Park Geun-hye, fer at kunngera dómin, verður tað beinleiðis í sjónvarpinum
 
05.04.2018 - 09:56

Tað hendir í morgin, skrivar AFP-tíðindastovan.

Verður fyrrverandi forsetin í Suðurkorea, Park Geun-hye, funnin sek í at hava framt umfatandi mutur, kann hon verða dømd 30 ára fongslusrevsing.

66 ára gamla, Park Geun-hye, varð koyrd frá sum forseti í mars í fjør í kjalarvørrinum av gølum, sum skakaðu bæði vinnulívið og politiska landslagið í Suðurkorea.

Choi Soon-sil, vinkona fyrrverandi forsetan, var eisini uppi í málinum, og í februar dømdi ein rættur í Seoul hana 20 ára fongsulsrevsing.

Choi varð dømd sek í saman við fyrrverandi forsetanum at hava kroyst milliónir úr risafyritøkum sum t.d. Samsung og Hyundai.

Ákæruvaldið segði, at Choi gjørdi sær dælt av valdinum hjá forsetanum at fáa sær persónligan vinning, og at hon máaði undan virðunum í grundlógini.

Umframt 30 ára fongsul, krevur ákæruvaldið, at Park Geun-hye fær 664 milliónir krónur í bót.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470