Hampilig valluttøka í Grønlandi

Tilsamans 71,9 prosent av teimum, sum kundu fara á val í Grønlandi í gjár, brúktu sín atkvøðurætt.

Tað er ein afturgond á bara eitt prosentstig samanborið við seinasta val í 2014, skrivar grønlendska kringvarpið, knr.gl.

Tað var annars tosað um vánaliga valluttøku ymsa staðni í landinum í gjár.

Á størsta valstaðnum í landinum, Nuuk, fór ein triðingurin ikki á val, og atkvøðuprosentið endaði á 66,8 prosentum. Í 2014 var hetta talið 70,3 prosent.

Hóast fólk í Nuuk ikki vóru so ófør at fara á val, var støðan betri aðrastaðni í landinum. Eitt nú í Aasiaat var valluttøkan 74 prosent, og tað er hægri enn í 2014, tá 72,4 prosent fóru á val.