Avlamispensjónistar ikki avsláttur fyri bilin

Avlamispensjónistar fáa ikki bilin við sær fyri hálvan prís, tá tey sigla við strandfaraskipunum, hóast tey annars ferðast fyri hálvan prís. Tey noyðast at rinda fullan prís fyri bilin.  

Hetta er løgið, tí nógvir avlamispensjónistar kunnu ikki ferðast uttan bil, sigur Heðin Mortensen, løgtingsmaður, sum hevur spurt Henrik Old, landsstýrismann, um avslátturin hjá Strandfaraskipum landsins.

Landsstýrismaðurin svarar, at avsláttarskipanir eru til akfør styttri enn fimm metrar, um fólk hava mánaðarkort, virðiskort ella vanga-bílegging í bókingarskipanini á Gomlurætt. Annars er eingin avsláttur fyri bilar.

Hvørki Henrik Old ella Strandfaraskip landsins duga at siga, hví avlamispensjónistar ikki fáa avsláttur fyri bilin, tí tey fáa 50 % avsláttur fyri ferðaseðilin.

Sambært svarinum hjá landsstýrismanninum hava Strandfaraskip 13 avsláttarskipanir.

Millum annað rindar Klaksvíkar kommuna fyri tey, sum búgva fast í Kalsoynni og Svínoynni.