- Tíðindi, mentan og ítróttur
Hotellið á Oknarvegnum letur upp í 2020
Hotellið á Oknarvegnum letur upp í 2020
Um stívliga tvey ár - hin 1. mai í 2020 - letur eitt nýtt gistingarhús við 126 kømrum upp á Oknarvegnum í Havn.
Mynd: Smyril Line
16.05.2018 - 15:33
Tað boðar Smyril Line samtakið frá í tíðindaskrivi fyrrapartin. Samtakið eigur frammanundan Hotel Hafnia í Havn og Hotel Skálavík.
Smyril Line hevur arbeitt við hesi ætlan í fleiri ár, men nú er avtala gjørd við byggifelagið Articon um at byggja nýggja hotellið.
Eftir ætlan fer arbeiðið ígongd í august, men byggingin er treytað av, at felagið fær endaligt byggiloyvi.
-Trot á gistingarmøguleikum forðar fyri víðari menningini av ferðavinnuni í Føroyum. Skal ferðavinnan framhaldandi vaksa, er neyðugt at útboðið av gistingarmøguleikum verður størri og fjølbroyttari, sigur Smyril Line samtakið í tíðindaskrivi.
Er kopiera
Nýggjastu sendingar í ÚV
Nýggjastu sendingar í SV
