Ógvuslig flogvanlukka í Kuba

Ógvuslig flogvanlukka í Kuba
Landasorg er í Kuba í dag eftir at fleiri enn hundrað fólk lótu lív í eini flogvanlukku nærhendis flogvøllinum í høvuðsstaðnum Havana
Fleiri enn 100 fólk skulu hava latið lív í flogvanlukku á Kuba
Mynd: ADALBERTO ROQUE, AFP  
 
19.05.2018 - 15:39

Tað er ringasta flogvanlukka, sum hevur rakt Kuba í fleiri áratíggi. Tríggjar kvinnur komu livandi úr flogfarinum, men eru í stórum lívsvanda.

Flogfarið, sum var næstan 40 ára gamalt, hevði 104 ferðafólk og seks starvsfólk við á ferðini, sum skuldi vera frá høvuðsstaðnum til býin Holguin, eystanfyri í landinum. Kubanskir myndugleikar hava sett eina kanning í verk av vanlukkuni.

Boeing 737-201 flogfarið datt niður klokkan gott 12 kubanska tíð í gjár, beint eftir fráferðina úr Havana. Øll seks starvsfólkini umborð vóru meksikanskir ríkisborgarar - flestu av ferðafólkunum vóru kubanar. Fimm ferðafólk vóru frá øðrum londum.

Enn er ov tíðliga at siga, hvat orsøkin var til vanlukkuna. Eygnavitni vilja vera við, at tey sóu eld kykna í flogfarinum, áðrenn tað datt niður í eitt skógarøki nærhendis flogvøllin.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585