DF vil upp í borgarliga stjórn

Formaðurin í Danska fólkaflokkinum, Kristian Thulesen Dahl, sigur, at Danski fólkaflokkurin fer at royna at at sleppa upp í eina borgarliga stjórn eftir næsta val.

Tað sigur hann eitt lítið samdøgur eftir, at Mette Frederiksen, forkvinna í Sosialdemokratiska flokkinum, í gjár boðaði frá, at Javnaðarflokkurin ætlar at skipa stjórn einsmallur eftir næsta val, fær flokkurin nóg stóran stuðul.

Við hesum leggur Mette Frederiksen sjógv millum Javnaðarflokkin og Radikala flokkin, sum hava samstarvað í mong ár - eisini í stjórn.

Kristian Thulesen Dahl sigur, at við hesi avgerð er tað meiri sannlíkt, at Danski fólkaflokkurin fer at seta síni fingramerki á útlendingapolitikkin, sama hvussu úrslitið av fólkatingsvalinum verður.

Honum dámar væl, at forkvinnan í Javnaðarflokkinum ætlar at tátta í í útlendingapolitikkinum.

Men Danski fólkaflokkurin fer framvegis at vísa á Lars Løkke Rasmussen sum forsætisráðharra, sigur formaðurin í Danska fólkaflokkinum.

Hann væntar ikki, at sitandi stjórn fer at halda fram.

- Fáa vit stuðul frá veljaranum, eru vit fúsir at fara í stjórn. Men vil veljarin hava onkran annan, fara vit at stríðast fyri at fáa ávirkan, sigur Kristian Thulesen Dahl, formaður í Danska fólkaflokkinum.