Útoyggjastevna er í Svínoy í dag

Útoyggjastevna er í Svínoy í dag. Um middagsleiðið vóru 500 fólk komin, og bygdarfólkið væntar, at talið tvífaldast, tá longur er komið út á dagin.

Strandferðslan siglir uttan slit millum Hvannasund og Svínoy til út á náttina, í minsta lagi til klokkan hálvgun tvey - ella so leingi fólk eru, sum skulu við.

Tað er Ritan, ið siglir, men frá klokkan hálvgun níggju í kvøld er tað Jósup, ið siglir millum Hvannasund og Svínoy.

Strandfaraskip landsins siga, at ferðaseðilin kostar 100 kr. fyri vaksin og 50 kr. fyri børn, meðan stevnan er.