Fleiri pengar játtaðir til sáttmálasamráðingar

Landsstýrið fær 300.000 krónur afturat til sáttmálaviðurskifti í ár.

Tað hevur Fíggjarnevndin hjá løgtinginum boðað Fíggjarmálaráðnum frá.

Játtanin í ár er annars 400.000 krónur.

Mælt verður til í fíggjarnevndarskjalinum, at tær 300.000 krónurnar verða tiknar frá Gjaldstovuni, sum tolir at missa pengarnar, tí tað dregur út at seta samskipara til Keypsportalin, sigur Fíggjarmálaráðið.

Nú so nógvar sáttmálasamráðingar eru í ár, er brúk fyri fleiri pengum til advokatar, Fasta gerðarrættin og annað.