Ikki tikið støðu til byggiloyvi til høll á Skála

Býráðið í Runavík hevur onga støðu tikið til byggiloyvið til høllina, sum Mest ætlar at byggja á Skála.

Umsóknin um byggiloyvi kom fyri tveimum árum síðani.

Men av tí, at ætlaða byggingin er hægri enn 15 metrar, varð avgjørt at gera serstaka byggisamtykt fyri økið, har sum turrdokkin er.

Serstaka byggisamtyktin er góðkend í landsstýrinum. Umsitingin hjá kommununi fer nú at viðgera umsóknina um byggiloyvið.

Býráðsfundur er í dag, men tá er málið ikki á dagsskránni.

Næsti býráðsfundur verður 30.august.

Torbjørn Jacobsen, borgarstjóri, sigur, at býráðið hevur onga støðu tikið til umsóknina um byggiloyvið.

Býráráðið vildi fyrst kanna, um til bar at gera serstaka byggisamtykt fyri økið. 

Tað ber til, sigur landsstýrið, og nú fer umsitingin hjá Runavíkar kommunu at viðgera umsóknina um byggiloyvi til høllina yvir turrdokkina, og tá tað arbeiðið er liðugt, verður málið latið Byggi- og býarskipanarnevndini hjá býráðnum.