India vandamiklasta land hjá kvinnum at búgva í

India vandamiklasta land hjá kvinnum at búgva í
India er heimsins vandamiklasta land hjá kvinnum at búgva í sambært nýggjari kanning frá Thomas Reuters-grunninum.
 
28.06.2018 - 13:34

Heimsins vandamiklasta land hjá kvinnum at búgva í er India. 

Thomson Reuters-grunnurin hevur biðið 548 serfrøðingar siga, hvørji av teimum 193 ST-limalondunum eru ringast móti kvinnum. 

Kynslig brotsverk og ágangur er vanligt í India. Tað er ein frágreiðing til, at í minsta lagi 20 milliónir kvinnur eru farnar av arbeiðsmarknaðinum síðani 2005, sigur Heimsbankin, sambært SVT.

Frágreiðing frá 2016 vísir, at nærum 40.000 neyðtøkur vóru í India tað árið. Hetta hóast ljós er varpað á trygdina hjá kvinnum, eftir at hópneyðtøkan í Dhelti í 2012 vakti ans kring allan heim. 

Í lokalum fjølmiðlum verður so at siga hvønn dag skrivað um ágang móti gentum, meðan tær eru í skúla, um hýruvongsførarar, sum neyðtaka kvinnur, sum arbeiða, og um tannáringar, sum verða seldar til horuhús.

Eftir India liggja Afganistan, Sýria og Somalia ovast í kanningini um støðuna hjá kvinnum. Á topp 10-listanum stendur bara eitt vesturlendskt navn: USA. 

USA deilir triðjaplássið við Sýria, tá tað snýr seg um, hvørji lond, serfrøðingarnir halda, at kvinnur eru í størsta vanda fyri kynsligum harðskapi og ágangi, og USA liggur á sættaplássi, tá tað snýr seg um ikki-kynsligan ágang.

Serfrøðingarnir siga, at økt tilvitan, tá tað snýr seg um harðskap móti kvinnum, sum verður knýtt saman við MeToo-rørsluni, er eisini ein orsøk til, at USA er komið á hendan listan.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858