Nýtt fótbóltsskýli við Djúpumýru

Norðhús skal byggja skýlið, og arbeiðið byrjar í september.

Jógvan Skorheim, borgarstjóri, skrivaði í gjár undir sáttmálan við Norðhús.

Verkætlanin er í tveimum byggistigum.

Fyrra byggistigið er at byggja skýlið við 300 stólum. Seinna byggistig er at innrætta kjallaran.

Har verða tvær stórar umklæðingardeildir, doping-kanningrúm, dómararúm og annað, sum UEFA krevur. Har verða eisini skrivstovur til eitt nú ungdómsfótbólt.

Jógvan Skorheim sigur, at vónandi fer byggingin at gera, at KÍ í framtíðini kann spæla evropeiskan fótbólt við Djúpumýru.

Kostnaðurin fyri fyrra byggistig er settur til 11,6 milliónir krónur.