Ríkisumboðið vil leiga skrivstovur út

Føroyar hava yvirtikið málsøkið, sum verður umsitið á Bryggjubakka frá ólavsøkudegi.

Fólkini í Ríkisumboðnum, sum arbeiða við familjurættinum, flyta saman við málsøkinum á Bryggjubakka 27.

Tey vera tá fimm fólk eftir í Ríkisumboðnum, og eftir nýggjár verða tey bara fýra, tí ein fer frá fyri aldur á nýggjárinum.

Har verða tí nakrar tómar skrivstovur, sum skulu leigast út.

Men tað verður tó ikki longu 1.august, sigur Lena Moyell Johansen, ríkisumboð.

Tey, sum vera eftir í Ríkisumboðnum, skulu fyrst hava stundir til at venja seg við nýggju umstøðurnar, sigur hon.

Lena Moyell Johansen sigur, at fyrispurningar eru komnir um at leiga frá Ríkisumboðnum. Men eingin leigusáttmáli er tó gjørdur enn.