Thor Beamer seldur til Malta

Hans Andrias Kelduberg frá Thor sigur, at reiðaríið hevur arbeitt við at selja tey eldru frálandaskipini úr felagnum, millum annað tí tað er torført at fáa eldru skipini at liva up til strongu krøvini, sum verða sett til frálandaskip. 

Við hesi søluni er bert Tórsvík eftir av teimum eldru skipunum hjá Thor.

Thor Beamer er 31 ára gamal og varð bygdur á Visser skipasmiðjuni í Hollandi í 1987. Thor keypti skipið úr Hollandi í 2006.

Felagið, ið keypti Thor Beamer, er av Malta og eitur Malta Towage Limited.