Nýbygningur nummar 50 handaður til Luna

Talan er um tvíkiljuna Ritunøva, sum varð handað alifelagnum Luna.

Ritunøva er 15,5 metrar long og 7 metrar breið, hevur tveir motorar upp á hvør 425 Hk, og ein 100 KVA ljósmotor. Av deksútgerð kann nevnast ein Palfinger 50 tons/metur krani, eitt 10 tons deksspæl, ein kapstanur uppá 6 tons og tríggir upp á 1 tons.

Tvíkiljan er útgjørd við messu, WC, arbeiðs-/klædnarúmi og allari vanligari nautiskari útgerð.

Hetta er nýbygningur nummar 50, sum KJ hevur smiðað, og tað er níggjundu ferð, nýbygningur verður handaður til Luna.

Ritunøva er heimahoyrandi í Bø.