Torført at flyta fólk úr fátækraváða

08.08.2018 - 08:43
AktueltSamfelag
Torført at flyta fólk úr fátækraváða
Tað er torførari at flyta fólk úr fátækraváða, enn samgongan hevði gjørt sær greitt, sigur landsstýriskvinnan í almannamálum, Eyðgunn Samuelsen
Mynd: Savnsmynd  
 

10.1 prosent av Føroya fólki liva í fátækraváða. Tað siga nýggjastu hagtølini frá Hagstovu Føroya, sum eru frá 2016. Tað er ein minking á 0.5 prosent í mun til 2015.

Samgongan hevði sum eitt av sínum aðalmálum at minka um talið á teimum í fátækraváða og hevur sett fleiri átøk í verk. Eitt nú familjuískoyti og skattalætta til tær lægru lønirnar, ið skuldi verða við til at hjálpa um hjá fólki, ið vóru í fátækraváða. Hóast tað, so er talið bara broytt frá 10,6 til 10,1.

Eyðgunn Samuelsen, landsstýriskvinna í almannamálum, ásannar, at tað var torførari at flyta fólk úr fátækraváða, enn mann hevði gjørt sær greitt.

- At tølini ikki eru minkað meira vísir eisini, hvussu neyðugt tað var, at seta fokus á tað, sigur hon. 

Tað er torført at flyta tølini stórvegis niðureftir, ásannar Eyðgunn Samuelsen. Landsstýrið hevur roynt seg við politiskum átøkum í eini roynd at flyta markið.

- Um tað er nóg gott, tað er trupult at siga, tí tað ávirkast eisini av øðrum faktorum í samfelagnum. Til dømis er fólkaflytingin við til at hækka prísirnir og hetta ávirkar eisini, hvussu tølini fyri fátækramarkið síggja út, sigur landsstýriskvinnan.

Markið fyri fátækraváða flytir seg eftir, hvussu tað gongur í samfelagnum. Tað verður sett eftir ein miðinntøku.

Tað vil siga, at helvtin av borgarunum hava størri inntøku enn miðinntøkan, og hin helvtin hevur eina lægri inntøku.

Um ein hevur eina tøka inntøku, ið er minni enn 60 % av miðinntøkuni, er ein í fátækraváða.

Tá tað gongur væl í samfelagnum kann miðinntøkan flyta seg skjótt uppeftir og harvið flytist eisini markið fyri fátækraváða.

Eyðgunn Samuelsen sigur, at hetta er kanska ikki besti mátin at máta fátækraváða uppá.

Er kopiera
Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956