Ætlaði at fremja yvirgang

Tilburðurin fór fram uttanfyri bretska tjóðartingið fyrr í dag.

Maðurin, sum er síðst í tjúgunum, var einsamallur í einum Ford Fiesta-bili. Eingi vápn vórðu funnin í bilinum. Maðurin varð handtikin á staðnum.

London Metropolitian Police sigur í tíðindaskrivi, at tilburðurin verður kannaður sum ein yvirgangsatsókn, og at bilførarin verður viðgjørdur sum ein persónur, ið er undir illgruna at hava framt yvirgang.

Eingin lat lív, tá bilurin rakti súkklistar og fólk til gongu, áðrenn hann rendi inn í avsperringar frammanfyri tjóðartingið.

Fleiri fingu tó skaða, men sambært bretsku myndugleikunum er eingin í lívsvanda.

Mynguleikarnir boða samstundis frá herdum løgreglu-eftirliti á almenna flutningskervinum og á vegamótum við nógvari ferðslu.