Yvirgangsmaðurin var úr Sudan

Maðurin eitur Salih Khater, hann er 29 ár og ættaður úr Sudan, skrivar BBC.

Hann koyrdi á fólk, sum vóru á súkklu, og fólk, sum vóru til gongu, fyrrapartin í gjár.

Løgreglan í London hevur boðað frá, at tilburðurin verður kannaður sum ein yvirgangsatsókn, og maðurin verður viðgjørdur sum ein persónur, sum er undir illgruna at hava framt yvirgang.

Salih Khater er úr Birmingham. Løgreglan hevur ikki verið í samband við hann fyrr.

Hann varð handtikin á staðnum.

Tað er framvegis ikki greitt, hví hann vildi fremja yvirgang.