Løgreglan: Øktur vandi fyri teldusníkálopum

Løgreglan: Øktur vandi fyri teldusníkálopum
Alt bendir á, at tað eru felagsskapir og einstaklingar, sum eru ímóti grindadrápi, sum standa aftanfyri, sigur løgreglan í fráboðan til miðlarnar.
 
22.08.2018 - 14:31

Løgreglan boðar frá, at tað í løtuni er stórur vandi fyri álopum á føroyskar heimasíður. Tað eru sokallaði D-DoS álop, sum kunnu væntast í Føroyum. Eitt D-dos álop er eitt álop, har nógvar teldur um allan heim verða settar at senda fyrispurningar til eina heimasíðu í senn, so hon brýtur saman. 

Alt bendir á, at tað eru bæði felagsskapir og einstaklingar, sum eru ímóti grindadrápi, sum standa aftanfyri, sigur løgreglan í fráboðan til miðlarnar í dag.  

Seinastu dagarnar hava verið minst tvey álvarslig D-DoS álop móti tveimum ymiskum føroyskum heimasíðun. Álopini gjørdu, at síðurnar vóru óvirknar eitt tíðarbil.

Somu persónar eru undir illgruna fyri at hava hackað eina ávísa føroyska heimasíðu og likið persónligar upplýsingar sum teldupostadressur og passorð.

Løgreglan heitir á allar fyritøkur og myndugleikar um at halda eitt vakið eyga við teirra KT-skipanum, login og KT-verjugarði.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520