- Tíðindi, mentan og ítróttur
Myndir: Krúnprinsahúskið á vitjan
Myndir: Krúnprinsahúskið á vitjan
Í morgun kom Dannebrog á Havnina við krúnaprinsahúskinum. Almenna skráin fyri kongavitjanina byrjar í dag.
Krúnprinsahúskið vitjar í Tinganesi, har løgmaður er vertur.
23.08.2018 - 10:02
Nógv fólk høvdu leitað sær oman á Bursatanga at taka ímóti krúnprinsahúskinum.
Krúnprinsahúskið vóru øll í fínum, føroyskum klæðum.
Fríðrikur krúnprinsur fekk føroysku klæðini frá landsstýrinum og løgtinginum. Vesturin er reyður við ymsum broderaðum, grønum bløðum.
Klæðini hjá Mary krúnprinsessu vórðu latin av landsstýrinum og løgtinginum í 2005, tá krúnprinsessan vitjaði í Føroyum fyri fyrstu ferð. Fyrri- og turriklæðið er myrkagrønt við margarittum. Silvurið er serstakt og sniðgivið til Mary.
Krúnprinsabørnini hava fingið føroysk klæði í gávu frá løgtingum, landsstýrinum og frá ymsum kommunum í samband við kongaligu vitjanina í dag.
Føroysku klæðini hjá Christian prinsi eru gáva frá Tórshavnar kommunu. Landsstýrið og løgtingið hava latið silvurið í gávu. Vesturin er reyður, og blómurnar eru reyðar og lillaðar við ymsum grønum bløðum.
Tey føroysku klæðini hjá Isabellu prinsessu eru gáva frá Sunda kommunu. Landsstýrið og løgtingið hava latið silvurið í gávu.
Føroysku klæðini hjá Vincent prinsi eru gáva frá Runavíkar kommunu. Landsstýrið og løgtingið hava latið silvurið í gávu. Vesturin er reyður við siðbundnum, føroyskum mynstri.
Føroysku klæðini hjá Josephine prinsessu eru gáva frá Klaksvíkar kommunu. Landsstýrið og løgtingið hava latið silvurið í gávu.
Á Bursatanga helt millum annað løgmaður røðu.
Fyri løtu síðani kom krúnprinsahúskið til Tinganesar, har løgmaður er vertur.
Eftir móttøkuna á Tinganesi spákar krúnprinsaparið yvir til Vágsbotn, har nógv fólk longu bíða spent.
Fleiri myndir eru á Facebook-vanga okkara, har vit dagføra myndamappuna so hvørt. Tær finnur tú her:
Er kopiera
Nýggjastu sendingar í ÚV
Nýggjastu sendingar í SV
