Grønlendska fiskivinnuuppskotið eigur at bíða

Í Grønlandi eigur uppskotið um nýggja fiskivinnulóg ikki at verða lagt fram nú. Brúk er fyri longri tíð at gera neyðsemju um lógina. Tað sigur grønlendska fiski- og veiðimannafelagið.

Arbeiðsgevarafelagið í Grønlandi hevur sama sjónarmið.

Landsstýrismaðurin í fiskivinnumálum, Erik Jensen, hevur boðað frá, at hann fer at lurta eftir sjónarmiðunum hjá vinnuni um nýggju fiskivinnulógina. Men hann leggur samstundis dent á, at uppskotið, sum nú verður arbeitt við, tekur støði í lógaruppskotinum, sum datt burtur, tá landstingsval varð útskrivað.

Stjórin í fiski- og veiðimannafelagnum sigur, at tað er ov tíðliga at leggja uppskotið fram í heyst, tí avleiðingarnar av lógaruppskotinum eiga at verða betur lýstar. Tí eigur lógaruppskotið í fyrsta lagi at verða lagt fram í vár, heldur fiski- og veiðimannafelagið.