HB hevur longt sáttmálan við venjaran

Íslendski venjarin hjá HB, Heimir Guðjónsson, hevur lyft felagið upp aftur á ovastu rók.

Felagið hevur í løtuni beina kós móti føroyameistaraheitinum, og spældi seg eisini í steypafinaluna.

Í dag skrivar HB á heimasíðuni, at sáttmálin við Heimir Guðjónsson er longdur, so hann er galdandi fyri 2019 eisini.

Kaj Leo Holm Johannesen fegnast um, at nýggjur sáttmáli er undirskrivaður:

- Heimir Guðjónsson hevur gjørt eitt megnar arbeiði fyri HB hetta kappingarárið, og tí eru vit sera fegin um at leingja samstarvið.

Saman við Heimi fara vit sum felag at byggja víðari á alt tað, sum higartil er gjørt, sigur Kaj Leo Holm Johannesen, formaður í HB.

Heimir Guðjónsson bleiv íslendskur meistari við FH í 2008,2009,2012,2015 og í 2016. Hann tók við venjarastarvinum í HB i ár.