Ruth Vang: Uppskotið er klárt

Ruth Vang: Uppskotið er klárt
- Uppskotið skal latast inn innan ein tíma, segði Ruth Vang, nú hon kom av samgongufundi um fíggjarlógina fyri næsta ár
Uppskotið til fíggjarlóg 2019 verður nú borið í løgtingið. Tað verður lagt fram fríggjamorgunin
 
25.09.2018 - 11:15

- Nú skuldi tað gjarna verið liðugt, og tað er tað eisini.

Tað segði Ruth Vang, forkvinna í fíggjarnevndini, tá hon fyri løtu síðani kom av samgongufundi í Tinganesi. Løgtingið skal hava uppskotið um fíggjarlóg 2019 á middegi í dag.

Ruth Vang úr Framsókn vildi ikki fara í smálutir, men segði bara, at hon var nøgd við fíggjarlógaruppskotið.

- Avbjóðingin hevur verið at funnið javnvágina millum at halda aftur og samstundis varðveita eitt tænastustig á vælferðarøkinum, og tað haldi eg, at vit hava megnað, segði Ruth Vang, sum tó viðgekk, at tað hevur fylt nógv, at hetta er seinasta fíggjarlógin, sum skal samtykkjast hjá hesi samgonguni, áðrenn løgtingsval verður í seinasta lagi 1. september næsta ár.

Spurd, um tað sæst í uppskotinum til fíggjarlóg, at samgongan skal finna eina semju í rokmálinum um smáu tunlarnar, svaraði Ruth Vang:

- Ikki mær vitandi, nei.

 

 

 

 

 

Er kopiera
Nýggjastu sendingar í ÚV
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565