400 milliónir í avlopi í 2019

Kristina Háfoss, landstýriskvinna í fíggjarmálum, legði fyrrapartin fram fíggjarlógaruppskotið fyri 2019. 

Sambært fíggjarlkógaruppskotinum fyri komandi ár verður avlopið hjá landskassanum 403 milliónir krónur, meðan rakstrarútreiðslurnar vaksa við 2,6 %. Inntøkurnar hjá landinum vaksa væntandi við 3,8 %, og játtanin til íløgur verður 424 milliónir krónur. 

Landsstýrið er ávegis við einum “bústaðarpakka”, sum skal tryggja fleiri bústaðir. Fleiri tiltøk eru longu sett í verk, onnur eru ávegis, sigur Kristina Háfoss. 

Vegna stóru ferðini í byggivinnuni, verða almennu íløgurnar raðfestar soleiðis, at arbeiðsmegi altíð er tøk til bústaðarbygging. 80 milliónir krónur í íløgum verða raðfestar av nýggjum í hesum sambandi.

Harumframt segði landsstýriskvinnan, at ein nýggjur barnalækni og ein hjartalækni verða settir komandi ár orsakað av heilsunýskipanini og serlæknapuljuni. 

Átøkini komandi ár eru millum annað:

• Nýggjar útbúgvingar og styrkt Fróðskaparsetur
• Bústaðarpakki
• Nýtt avloysaraskip til SSL og hægri útoyggjastuðul
• Eysturoyar- og Sandoyartunlar og aðrir tunlar
• Barnalækna og hjartalækna afturat
• Pensjónistar minst 1.000 krónur meira at liva av um mánaðin
• Fiskivinnunýmenning og tónleikaútflutningsstova
• Frá 40% pensjónsflatskatti til stigvaksandi pensjónsskatt úr 30% upp í 40%
• Nýggj sendistova í fjareystri
• Náttúruverndarlóg
• Málið er, at skuld landsins skal minka við umleið 1 milliard kr.

Les alt fíggjarlógaruppskotið her.