Kringvarpsstjórin verður settur um tríggjar vikur

Nú byrjar tilgongdin at seta starvið sum stjóri í Kringvarpinum.

Umsóknarfreistin fór 21. september.

Fýra fólk manna setanarbólkurin. 

Í honum sita formaðurin og næstformaðurin í kringvarpsstýrinum, starvsfólkaumboðið í stýrinum og eitt umboð fyri leiðslubólkin í kringvarpinum.

Rúni Heinesen, formaður í kringvarpsstýrinum, sigur, at gongst sum ætlað verður starvið sett um tríggjar vikur ella so. 

20 fólk hava søkt starvið sum kringvarpsstjóri, 16 menn og fýra kvinnur.