Avbera nógvur gróður í fjør

Tað skrivar Sólvá Jacobsen, lívfrøðingur, í ritinum Sjóvarmál 2018, sum júst er útkomið. Havstovan gevur Sjóvarmál út.

Grundina til góða gróðurin kenna vit ikki, men tá gróðurin er nógvur, eru størri sannlíkindi fyri góðari tilgongd til fiskastovnarnar, sum halda til á landgrunninum.

Gróðurin, ella plantuæti, er fyrsti liður í føðiketuni í havinum, og er tí grundarlag undir øllum lívi í sjónum, skrivar Sólvá Jacobsen.

Hóast tað enn er ov tíðliga at siga, um gróðurin í fjør fer at bøta um tilgongdina til botnfiskastovnarnar, so sær tað spennandi út, skrivar lívfrøðingurin í ritinum hjá Havstovuni.