Flogfar dottið niður

Eitt flogfar við 188 ferðafólkum er dottið niður í havið við Indonesia. Tað skriva altjóða miðlar.

Flogarið er frá flogfelagnum Lion Air, ið er eitt lágprísfelag. Flogfarið datt niður stutt eftir at tað var farið avstað av flogvøllinum í høvuðsstaðnum Jakarta. Tað sigur indonesiska samferðslumálaráðið, sambært AFP.

Umborð á flogfarinum vóru 181 ferðafólk, og mannigin, sum varð tveir flogskiparar og fimm starvsfólk í kabinuni.

Enn ber ikki til at siga, um  nakar kom frá vannlukkuni við lívinum, skrivar Ritzau.

Flogfarið hevði samband við flogtornið í Jakarta 13 minuttir eftir, at tað var farið á flog.

Sambært flogferðslueftirlitinum í Indonesia, bóðu flogskipararnir um at sleppa at venda aftur, stutt áðrenn flogfarið datt niður. Tað fingu teir loyvi til, men so mistu myndugleikarnir sambandið við flogfarið.

Enn er onki frætt um nakar av teimum 189 umborð sluppu frá vanlukkuni við lívinum.

Bjargingarfólk hava funnu vrakleivdur á sjónum. Hildið verður, at flogfarið er sokkið á 30 til 35 metra dýbd, sigur DR.