Gongur framá við samráðingunum

Tað gongur framá við samráðingunum. Tað sigur Terje Sigurðsson, semingsmaður, nú semingsstovnurin var á fundi við Ljósmøðrafelagið og Løndardeildina hjá Fíggjarmálaráðnum í gjár. Onkrir snøklar skuldu ruddast av vegnum, og tað gongur rætta vegin, sigur Terje Sigurðsson.

Steðgur er í samráðingunum í vikuskiftinum, og fundurin verður tikin upp aftur mándagin.

Semingstovnurin fór eisini undir eina semingsroynd við Skipara- og Navigatørfelagnum einumegin og Løndardeildina hjá Fíggjarmálaráðnum hinumegin, fríggjadagin. Hesin fundurin verður eisini tikin uppaftur mándagin, sigur Terje Sigurðsson.