Løgfrøðiligt kynskifti viðgerðast í dag

Løgingið skal í dag viðgerða uppskotið hjá Sonju Jógvansdóttir um løgfrøðiligt kynsskifti.

Sambært uppskotinum, so skal ein persónur, kennir at lívfrøðiliga kynið er í andsøgn við kynssamleika sín kunna skifta kyn løgfrøðiliga, tað vil siga, at fáa nýtt p-tal, so til ber at fáa nýtt navn samsvarandi samleika sínum, fáa nýtt samleikaprógv, koyrikort og pass.

Uppskotið hevur fyrstu viðgerð í tinginum í dag.

Tilsaman fimm mál eru á skrá fyri tingfundin í dag, sum byrjar klokkan 11.