Ókeypis vaksinasjón fyri dreingir eisini

Tað fer at kosta 160.000 kr. meira næsta ár enn í ár, fáa dreingir eisini tilboð um ókeypis vaksinasjón fyri hpv-virus.

Í Danmark fer tilboðið við ókeypis vaksinasjón fyri hpv at verða víðkað, so dreingir, sum fylla 12 ár eftir 1.juli 2019, fáa tilboðið. 

Eftir ætlan fer sama tilboð eisini at verða sett í gildi í Føroyum, sigur Heilsumálaráðið.

Hetta merkir, at 300-330 dreingir árliga fara at fáa tilboð um ókeypis hpv-vaksinasjón um árið.

Hetta fer at kosta 320.000 kr. um árið, um allir taka av, men næsta ár verður skipanin tó bara galdandi í hálvt ár.

Verandi játtan til ókeypis hpv-vaksinering er ætlað gentum, sum eru fyltar 12 ár. 

Vaksinasjónin kann verja móti krabbameini í endatarminum, og væntandi eisini í munninum og hálsinum.

Hjá gentum verjir hon móti krabbameini í lívmóðurhálsinum.