Samd um at leggja tvey arbeiðarafeløg saman í eitt

Gøtu arbeiðarafelag og Leirvíkar arbeiðarafelag hava gjørt av at leggja feløgini saman í eitt felag.

Nýggja felagið fer at hava knappliga 400 limir, og fer væntandi at hava bústað í Gøtu.

Eykaaðalfundir vóru í báðum feløgum mikukvøldið um samanleggingina.

Men áhugin hjá limunum var alt annað enn stórur. 

Ein limur var á fundinum í Gøtu og eingin í Leirvík.

Arbeitt verður tó víðari við samanleggingini, sigur formennirnir á báðum feløgum, Martin K. Joensen í Gøtu og Kristian Joensen í Leirvík.

Nú skulu ognirnar hjá feløgunum virðismetast, bæði feløgini eiga hús, og uppskot um lóg fyri nýggja felagið skal gerast.

Men ætlanin er, at nýggja felagið byrjar 1.januar 2019.

Gøtu arbeiðarafelag og Leirvíkar arbeiðarafelag hava gjørt av at leggja feløgini saman í eitt felag.

Nýggja felagið fer at hava knappliga 400 limir, og fer væntandi at hava bústað í Gøtu.

Eykaaðalfundir vóru í báðum feløgum mikukvøldið um samanleggingina.

Lítil áhugi

Men áhugin hjá limunum var alt annað enn stórur. 

Ein limur var á fundinum í Gøtu og eingin í Leirvík.

Arbeitt verður tó víðari við samanleggingini, sigur formennirnir á báðum feløgum, Martin K. Joensen í Gøtu og Kristian Joensen í Leirvík.

Nú skulu ognirnar hjá feløgunum virðismetast, bæði feløgini eiga hús, og uppskot um lóg fyri nýggja felagið skal gerast.

Men ætlanin er, at nýggja felagið byrjar 1.januar 2019.