Hallur Hansson skoraði fyri AC Horsens

Felagið hjá Halli Hansson, AC Horsens, vann í gjár 2-1 á AGF á útivølli.

Føroyski miðvallarin kom á máltalvuna, tá bara fýra minuttir vóru spældir, tá hann legði gestirnar á odda 1-0.

Stutt fyri hálvleik økti Michael Lumb til 2-0 til AC Horsens. 

Martin Spelmann minkaði um munin fyri AGF, tá tíggju minuttir vóru farnir av seinna hálvleiki.

Fleiri mál komu ikki, og tí tryggjaði AC Horsens sær trý stig í Århus.

Sigurin lyftir AC Horsens upp á sætta pláss í Superliguni.