Framvegis onki álit um eykajáttan til Marknagil

Onki álit er komið úr fíggjarnevndini enn um eykajáttan til skúladepilin í Marknagili.

Men sambært Ruth Vang, forkvinnu í Fíggjarnevndini, er ætlanin at leggja álitið fram seinnapartin.

Mentamálaráðið hevur biðið Fíggjarnevndina um eina eykajáttan á 28,4 milliónir krónur.

Løgtingið víkti frá øllum tíðarfreistum fyri at  fáa málið viðgjørt, tí mett var at talan var um skundmál.

Men tað er ein góður mánaður, síðani tingið hevði fyrstu viðgerð av málinum, og enn er onki álit komið úr Fíggjarnevndini, men tað verður also ætlandi seinnapartin, sambært forkvinnuni í fíggjarnevndini.

Tá álitið verður lagt fram, fæst eisini at vita, um tingið fer at hava aðru og triðu viðgerð beinaveg, so málið kann avgreiðast.